“Giro politean aurkeztu zituzten euren proiektuak Tolosako azokan. Irati Mazkiaran, Aroa Sevillano eta Ander Prado izan ziren Oriarte BHI-ko ordezkariak Gipuzkoako azokan”

Maiatzaren 6an hitzordu berezia izan zuten 4. mailako ikasleek Tolosan. Izan ere, Elhuyarrek antolatutako STEAM azokara gerturatu baitzitzaizkigun Oriarteko hiru ikasle: Irati Mazkiaran, Aroa Sevillano eta Ander Prado.

Aurten, ikastetxeko berrikuntzen artean STEAM egitasmoa izan dugu, eta bertan, DBH 4. mailako ikasle guztiek hartu dute parte. Helburua, mugikorraren bitartez mugituko den auto telegidatua sortzea zen. Horretarako 16 taldetan banatu dira, eta talde bakoitzean ikasle batek ardura berezia zuen: batek karkasa sortzen zuen bitartean, beste batek elektrizitateari erreparatzen zion, eta besteak, kotxearen programazioari esate baterako.

Egitasmo honen bidez, Elhuyarrek antolatutako azokan izan ziren 4. mailako hiru ordezkari, eta goizeko hamarretan hasita eta eguerdiko ordu biak arte aritu ziren bertaratutakoei egindako lana erakusten eta azaltzen. Asko eta asko izan ziren gure standera gerturatu eta interesa erakutsi zutenak, eta gure ikasleak ederki baino hobeto aritu ziren azalpenak ematen eta kotxearen funtzionamendua erakusten.

Ondorengo estekan duzue Elhuyarrek zabaldutako albistea eta argazki galeria:

https://zientzia-azoka.elhuyar.eus/eu/albisteak/steam-gipuzkoa-tolosan-2023